Bæjarins Beztu: „Tryggva hefur verið boðið í viðtal …. Boltinn er hjá honum“

Skemmtilegt innslag í mánudagsútgáfu Íslands í dag um atvinnumál unga fólksins

Í Íslandi í dag á Stöð tvö, sem sýndur var 23. maí s.l., var farið yfir víðan völl og það var margt um dýrðir í mánudagsútgáfu Íslands í dag í umsjón Snorra Mássonar.

Unglingavinnan er barnaþrælkun

Heitar umræður spruttu af tísti Andrésar Jónssonar almannatengils um að ef til vill hefði verið gengið of langt í að vernda börn frá vinnu, en þar segir hann:

Tillaga: Rýmkum heimildir krakka á aldrinum 12-18 ára til að vinna.

– Það vantar fólk í verslun, veitingar og þjónustu.

– Þau og foreldrar þeirra myndu gjarnan vilja fá létta sumarvinnu fyrir þau.

– Verndun táninga frá því að þurfa/mega vinna hefur gengið aðeins of langt.

— Andrés Jónsson (@andresjons) May 21, 2022

Tilefni þess þá fóru þáttastjórnendur Íslands í dag og fjölluðu um atvinnumál unga fólksins, en innslagið má sjá hér að neðan ásamt viðtölum við Hagskælingana, þessi umfjöllun hefst á tíundu mínútu.

Ari Theodore mun líklega vinna í uppvaskinu á Hótel Borg í sumar, en eins og margir vita, þá opnaði einvalalið fagfólks nýjan veitingastað á Hótel Borg í apríl s.l., sjá nánar hér.

Tryggvi, nemandi Hagaskóla, greindi frá því að hann væri á lokastigi viðræðna við Bæjarins beztu um að taka að sér stöðu afgreiðslumanns þar um sumarið.

Bæjarins Beztu hafa svarað þessu með facebook færslu: „Tryggva hefur verið boðið í viðtal …. Boltinn er hjá honum“ og vísar í frétt á visir.is.

Mynd: Skjáskot úr myndbandi