Austurlandahraðlestin í Lækjargötu – Veitingarýni

Við félagarnir fórum eitt hádegi á Austurlandahraðlestina í Lækjargötu þar sem við höfðum heyrt mikið hrós á staðinn og vildum við upplifa það með eigin augum.

Fyrst pöntuðum við:

Indversk gulrótasúpa

Indversk gulrótasúpa
Bragðmikil indversk súpa gerð úr gulrótum, kókos, kryddum og engiferi. Borin fram með naan smábrauði.

Mjög góð súpa, vel krydduð, en leið fyrir það, að það var ekkert gulrótarbragð af henni.

Síðan var það hádegistilboð staðarins:

Thali inniheldur tvo kjúklingarétti og einn grænmetisrétt (eða þrjá grænmetisrétti fyrir þá sem ekki vilja kjöt), hvítlauks naan brauð, raitha jógúrtsósu, sætt mangó chutney og pappad smábrauð.

Þetta smakkaðist alveg fantavel ein besta indverska máltíð sem ég hef borðað hér á Íslandi, óvenjulega vel útilátið, bragðið var kröftugt en ekki þó þannig að það angraði.