Allt komið á fullt hjá Landsliði bakara – Keppa á Norðurlandakeppni í haust – Myndir

Eins og fram hefur komið þá var Landslið í bakstri stofnað í byrjun árs sem mun æfa og keppa fyrir Íslands hönd í bakarakeppnum sem haldnar verða á komandi árum.

Metnaðarfullir bakarar eru farnir að hittast í Hótel- og matvælaskólanum á mánudagskvöldum til æfinga undir stjórn Ásgeirs Þórs Tómassonar.  Landsliðið stefnir nú á Norðurlanda keppni í bakstri (Nordic Bakery Cup 2017) sem haldin verður næstkomandi haust.

Bakhjarlar landsliðsins eru Landssamband bakarameistara og Matvís og eru meðlimir í landsliðinu í óða önn við að leita að styrktaraðilum til að standa straum að kostnaði. Þeir sem áhuga hafa að styrkja landsliðið er bent á að hafa samband við Ásgeir Þór Tómasson bakarameistara á netfangið asgeir.tomasson@mk.is

Meðlimir í Landsliði bakara:

• Gunnlaugur Arnar Ingason
• Daníel Kjartan Ármannsson
• Helgi Freyr Helgason
• Rúnar Snær Jónsson
• Daníel Karl  Ármannsson
• Stefán Hrafn Sigfússon

Með fylgja myndir frá æfingu sem haldin var á mánudaginn s.l. Bakarar og bakaranemar fylgdust vel með æfingunni.

Myndir: Ásgeir Þór Tómasson