Allt á suðupunkti í Herning

Jóhannes Steinn Jóhannesson

Það er allt á suðupunkti í Herning í Danmörku þar sem fram fer keppnin um titilinn Matreiðslumaður Norðurlanda en hún hófst í morgun.  Það eru þeir Jóhannes Steinn Jóhannesson og Bjarni Siguróli matreiðslumenn sem keppa fyrir hönd íslands.  Nú rétt í þessu var að berast tvær myndir frá keppninni, en það var Ólafur Ágústsson farastjóri sem sendi þessa símamynd og má sjá Jóa á fullu í keppniseldhúsinu.

Allt lítur ágætlega út og skil á forrétti hjá Bjarna er klukkan 10:35 að staðartíma en Jói skilar fyrsta réttinn klukkan 10:55. Síðan líður klukkutími á milli rétta, þannig að okkar menn ættu að vera búnir um eitt leytið að dönskum tíma, sagði Ólafur hress í samtali við fréttamann.

Gsm myndir: Ólafur Ágústsson