Ágóði af Bleika boðinu í Eldborg var 17,5 milljónir

Bleika boðið var haldið í þriðja sinn á laugardaginn var og að þessu sinni í Edlborg, Bláa lóninu.  Sem fyrr var mikill metnaður lagður í verkið og tókst boðið með miklum glæsibrag. Ágóði Krabbameinsfélagsins var 17,5 milljónir, en allir sem að átakinu komu gáfu vinnu sína.

Boðið var upp á 9 rétta hátíðarkvöldverð (Sjá matseðil fyrir neðan myndir) og komust færri að en vildu en 160 gestir mættu í Bleika boðið.

Félagar í Freistingu sáu um matreiðsluna, Hótel og Matvælaskólinn sá um þjónustuna og gáfu allir vinnu sína sem að átakinu komu.

Meðfylgjandi eru nokkrar myndir frá boðinu:

Guðrún Agnarsdóttir, forstjóri Krabbameinsfélagsins, forsetahjónin, herra Ólafur Ragnar Grímsson og frú Dorrit Moussaieff

Eftirréttur

Önd

Kúfskel

Lamb

Smári Valtýr Sæbjörnsson, forseti Matreiðsluklúbbsins Freistingar, Jónas Oddur Björnsson yfirmatreiðslumaður Bleika boðsins 2007, Arnþór Stefánsson Pastry Chef (Eftirréttarmeistari kvöldsins).
Gunnar Rafn var yfirframreiðslumaður kvöldsins.

Eldborg og nærliggjandi byggingar böðuð í bleikri birtu

Upphaf Bleika boðsins

Bleika boðið er fjáröflunarkvöldverður Krabbameinsfélagsins, sem efnt var til að frumkvæði Freistingar til styrktar baráttunni gegn brjóstakrabbameini undir heitinu Bleika boðið.  Nafnið tekur mið af Bleiku slaufunni, árveknisátaki um brjóstakrabbamein sem Krabbameinsfélagið hefur staðið fyrir síðustu ár í samvinnu við Samhjálp kvenna og fleiri aðila.

Bleika boðið var fyrst haldið í Gerðarsafni í Kópavogi 30. september árið 2005 og var ágóði Krabbameinsfélagsins um 4 milljónir.

Boðið var upp á sexréttaðan hátíðarmat og voru gestir um eitt hundrað. Fram komu ýmsir skemmtikraftar, flutt voru tónlistaratriði og haldið uppboð. Miðar voru einkum seldir til fyrirtækja sem gafst kostur á að leggja lið í baráttunni gegn brjóstakrabbameini, en andvirði miðanna rann óskert til Krabbameinsfélagsins.

Svo vel tókst til að ákveðið var að Freisting endurtæki leikinn og var Bleika boðið haldið í annað sinn 7. október 2006 í húsi Orkuveitunnar.  Gestir voru um 150 og ágóði Krabbameinsfélagsins var um 15 milljónir.

9 rétta hátíðarmatseðill Bleika boðsins 2007
Eldborg
27. október 2007

Veislustjóri
Þórunn Lárusdóttir

Sjónvarpsmaðurinn Logi Bergmann var sérlegur uppboðshaldari og fór á kostum.

Fordrykkur
Codorniu Pinot Noir Brut frá D.O. Cava, Spáni

Lystauki
Kúfskel elduð í dökkum Kalda ásamt hunangsgljáa úr íslensku hunangi
og fáfnisgras salati
Vín
Jacobsen Saaz Blonde frá Danmörku

Önd
Reykt önd frá Höfn í Hornafirði, andar- og rauðbeðugljái með rauðrófum,
kastaníuhnetukremi og kryddjurtarsalati
Vín
Glen Carlou Tortoise hill 2006, Suður Afríka

Ferskt fiskmeti
Smálúða úr Breiðafirði, íslensk hörpuskel ásamt rækju, dillkrydduð súrmjólksósa,
síuvökva kavíar, stökkir rúgbrauðsteningar
Vín
Dopff au Moulin Pinot Gris 2005 frá Alsace, Frakklandi

Ískrap til að ferska braðlaukana
Fjallagrasasorbet

Lamb
Lambafille og skanki frá Jóhannesi frá Silfrastöðum, sultað rótargrænmeti, íslenskt smælki ásamt rófu og lambasoðgljáa
Vín
Château D‘Agassac 2001 Haut-Médoc frá Bordeaux, Frakklandi

Ostar
Óhrært skyr að norðan með rjóma og sykri, Akureyrablár og Búri.
Bláberjasulta úr aðalbláberjum frá ömmu. Gefið með hnetubrauði
Vín
Bon Courage Noble Late Harvest Weisser Riesling 2004 frá Suður Afríku

Sætur yndisauki
Grenisorbet

Eftirréttur 
Valrhonaturn úr dökku súkkulaði, hjúpaður með bleiku súkkulaði
með rifsberjum úr garðinum hjá Önnu frænku ásamt kakóbauna sjeik
Vín
Cockburn‘s Special Reserve Ruby Port frá Portúgal

Kaffi & Konfekt
Kaffi & handunnið HR konfekt
Vín
Grand Marnier frá Lapostole, Frakklandi

Fjölmargar myndir eru væntanlegar í myndasafnið.

Matarmyndir: Matthías Þórarinsson matreiðslumeistari
Aðrar myndir: Ruth Ásgeirsdóttir