Nýjustu Michelin-stjörnurnar í Bretlandi og Írlandi – Roux-fjölskyldan fagnar stórsigri

Í gær, mánudaginn 10. febrúar 2025, fór hin árlega Michelin Guide hátíðin fyrir Bretland og Írland fram í Kelvingrove Listasafninu í Glasgow. Viðburðurinn var sannkölluð hátíð fyrir matarunnendur, þar sem nokkrir veitingastaðir fengu glæsilega viðurkenningu fyrir framúrskarandi matargerð og gestrisni.

Hér að neðan er listi yfir veitingastaðina sem hlutu Michelin-stjörnur á þessu ári, þar á meðal Caractère, sem hlaut sína fyrstu stjörnu – mikilvægur áfangi fyrir Roux-fjölskylduna og stórkostleg viðurkenning á framlagi þeirra til matargerðarlistar.

Þrjár Michelin stjörnur

Moor Hall, Aughton

Tvær Michelin stjörnur

hide and fox, Saltwood

Humble Chicken, London

The Ritz Restaurant, London

Ein Michelin stjarna

33 The Homend, Ledbury

64 Goodge Street, London

AngloThai, London

AVERY, Edinburgh

Ballyfin, Ballyfin

Caractère, London

Cornus, London

DOSA, London

Forge, Middleton Tyas

Caractère hlýtur Michelin-stjörnu: Mikilvægur áfangi fyrir Emily Roux og Diego Ferrari

Diego Ferrari og Michel Roux

Michel Roux, faðir Emily Roux, hélt hjartnæma ræðu á hátíðinni, en Emily er yngsti meðlimur í hinni þekktu Roux-kokkaættinni og eigandi Caractère sem hlaut sína fyrstu Michelin stjörnu.

„Sem faðir er ég óendanlega stoltur af Emily og Diego að fá þessa merku viðurkenningu. Þau hafa ekki aðeins haldið arfleifð Roux-fjölskyldunnar á lofti, heldur skapað eitthvað alveg einstakt og persónulegt.“

Sagði Michel Roux á meðal í ræðu sinni.

Emily Roux og Diego Ferrari

Myndir: caractererestaurant.com