Nýr miðlægur listi yfir sveina með starfsréttindi

Nýr listi yfir sveina með starfsréttindi hefur verið birtur á Island.is. Þetta er í fyrsta sinn sem slíkur listi er birtur opinberlega á einum miðlægum stað. Með listanum er m.a. hægt að sjá hvort iðnaðarmenn sem bjóða fram þjónustu sína séu með tilskilin réttindi.

Listinn byggir á gagnagrunni yfir 42 iðngreinar. Meðal þeirra eru fjölbreyttar greinar á borð við bakaraiðn, framreiðslu, kjötiðn, matreiðslu og fleiri iðngreinar. Ekki hefur enn verið unnið úr öllum eldri gögnum en von er á þeim upplýsingum innan tíðar.

Gagnagrunnurinn er liður í aðgerðum stjórnvalda til að bæta umgjörð verk- og starfsnáms. Hann er samstarfsverkefni mennta- og barnamálaráðuneytisins, háskóla-, iðnaðar- og nýsköpunarráðuneytisins, dómsmálaráðuneytisins og sýslumanna. Sýslumaður á Suðurlandi annast umsýslu gagnagrunnsins frá 1. janúar 2025.

Hér að neðan má sjá stutta samantekt úr listanum yfir fagmenn í veitingageiranum:

Nafn – Iðngrein – Útgáfuár

Hafliði Ragnarsson – Bakaraiðn – 1993

Jón Rúnar Arilíusson – Bakaraiðn – 2010

Axel Þorsteinsson – Bakaraiðn – 2009

Gunnlaugur Arnar Ingason – Bakaraiðn – 2017

Hafsteinn Sævarsson – Framreiðsluiðn – 1992

Kristjana Sveinbjörnsdóttir – Framreiðsluiðn – 1988

Jóhanna Sigurbjörg Húnfjörð – Framreiðsluiðn – 2019

Styrmir Bjarki Smárason – Framreiðsluiðn – 2015

Jón Gísli Jónsson – Kjötiðn – 2016

Benedikt Þorvaldur G. Hjarðar – Kjötiðn – 2020

Davíð Clausen Pétursson – Kjötiðn – 2024

Hermann Svali Björgvinsson – Kjötiðn – 2019

Auðunn Sólberg Valsson – Matreiðslu – 1984

Sturla Birgisson – Matreiðslu – 1985

Hákon Már Örvarsson – Matreiðslu – 1994

Þráinn Freyr Vigfússon – Matreiðslu – 2005

Sjá hér gagnagrunn yfir sveinspróf á Island.is.

Mynd: úr safni