Heimir í Bítinu: „Besti hamborgarinn sem ég hef smakkað“

Heimir Karlsson þáttastjórnandi Bítisins á Bylgjunni og einn besti útvarpsmaður landsins er ófeiminn við að segja skoðanir sínar. Ívar Örn Hansen matreiðslumeistari eða betur þekktur sem helvítis kokkurinn, kom með Helvítis hamborgarann í Bítið.

Þar sagði Heimir að helvítis hamborgarinn væri besti hamborgari sem hann hefur smakkað.

Hamborgarinn inniheldur nauta brisket borgari í kartöflubrauði með Helvítis beikon og Brennivín kryddsultu, tvöföldum osti, tómat, súrum gúrkum, brakandi salati og pikkluðum rauðum jalapeno, þessi samsetning getur ekki klikkað.  Verð 3.890 kr.

Veitingastaðurinn Sæta svínið býður upp á Helvítis hamborgarann í samstarfi við Ívar, en þessi djúsí hamborgari verður í boði út september mánuðinn.

„Ég er á fullu að undirbúa haustið og veturinn, framleiðsla á sultum stendur hæst þessa dagana ásamt einkamatreiðslu verkefnum um allt land.“

Sagði Ívar Örn í samtali við veitingageirinn.is, aðspurður um verkefnin þessa dagana.

Hvaða vara er söluhæst hjá þér?

„Söluhæst núna er Surtsey og Ananas.“

Hlustið á Bítið í spilaranum hér að neðan:

Myndir: aðsendar