Nýir eigendur Grillhússins

Grillhúsið á Sprengisandi

Um miðjan apríl mánuð urðu eigendaskipti á Grillhúsinu á Sprengisandi og Laugavegi 96.

Eigendur og nýir stjórnendur Grillhússins eru þeir Jóhannes Skúlason og Helgi Magnús Hermannsson sem eru jafnframt eigendur TGI Fridays á Íslandi.  Veitingastaðir Grillhússins á Laugavegi og Sprengisandi í Reykjavík auk útibús í Borgarnesi voru auglýstir til sölu í byrjun árs og var uppsett verð 110 milljónir króna. Í frétt á visir.is segir að hópur fjárfesta undir forystu Örvars Bessasonar hafa keypt Grillhúsið í Borgarnesi og segir Örvar í samtali við visir.is hann ætlar að gera Grillhúsið að heitasta staðnum í Borgar­nesi.

Í tilkynningu kemur fram að rekstur Grillhússins ehf. (á Laugavegi og Sprengisandi í Reykjavík) verður fyrst um sinn óbreyttur og á sömu kennitölu.

Mynd: skjáskot af google korti