Nýr veitingastaður í Grósku

Nýr veitingastaður opnar nú í vikunni í Grósku, en veitingastaðurinn er staðsettur í suðurenda Grósku þar sem rekin var mathöllin Vera í rúmt ár.

Staðurinn hefur fengið nafnið EIRIKSDOTTIR Gróska og eigendur eru þeir sömu og EIRIKSSON Brasserie, Laugavegi 77.

Veitingahjónin Sara Dögg Ólafsdóttir og Friðgeir Ingi Eiríksson

Þar í framlínu eru veitingahjónin Friðgeir Ingi Eiríksson og Sara Dögg Ólafsdóttir ásamt Sveini Þorra Þorvaldssyni, auk þeirra eru Birgir Már Ragnarsson og Silja Hrund Júlíusdóttir eigendur staðarins.

Guðmundur Ragnarsson, þekktastur undir nafninu “Gummi í Laugaás”

Á nýja staðnum er Guðmundur Ragnarsson með þeim í liði sem er þekktastur undir nafninu “Gummi í Laugaás”

Útlit staðarins verður í sama stíl og EIRIKSSON Brasserie sem var hannað af ítalska hönnunarfyrirtækinu Design group Italia.

EIRIKSDOTTIR er hádegisstaður þar sem boðið er upp á heitan mat á virkum dögum frá 11:30-14:00 og val er á milli nokkurra rétta sem breytast reglulega.

Einnig verður hægt að taka með sér salöt, samlokur og fleiri rétti úr kæli fyrir þá sem hafa minni tíma.

Glæsilegur bar verður á staðnum sem hægt er að fá sér drykki og létta rétti fram eftir degi.

Á kvöldin og um helgar er möguleiki á að bóka veislur en það komast allt að 200 manns í sæti og mun fleiri í standandi veislur.

Myndir: aðsendar