Glæsileg árshátíð Ölgerðarinnar í Prag – Myndir

Þremur árum eftir síðustu árshátíð kom loks að því að starfsfólk Ölgerðarinnar gerði sér glaðan dag og var árshátíð félagsins haldin með pompi og pragt í Prag í Tékklandi.  Covid faraldurinn hefur sett strik í reikninginn hjá félaginu eins og heimsbyggðinni allri en fyrirtækið lagði reglulega til hliðar í árshátíðarsjóð og nýtti svo tækifærið og fór starfsfólkið utan um síðustu helgi.

Með þessu þakkaði Ölgerðin starfsfólkinu sínu fyrir frábæra vinnu við þær afar krefjandi aðstæður sem ríkt hafa undanfarin misseri og hafa meðal annars kostað það að starfsfólkið hefur ekki getað haldið árshátíðir eða komið saman.

Árshátíðin var afar glæsileg og haldin í spænska salnum í Prag kastalanum þar sem þau Eva Ruza og Hjálmar Örn sáu um veislustjórn.

Óhætt er að segja að starsfólkið, sem lagt hefur mikið á sig í faraldrinum undanfarin ár, hafi skemmt sér vel eins og meðfylgjandi myndir sýna.

Hjónin Andri Þór Guðmundsson, forstjóri Ölgerðarinnar, og Marín Magnúsdóttir athafnakona

Eva Ruza og Hjálmar Örn sáu um veislustjórn

Myndir: aðsendar