Átt þú erindi í Kokkalandsliðið?

Nú er opið fyrir umsóknir um stöður í Kokkalandsliðinu sem er að hefja undirbúning fyrir Ólympíuleikana í Stuttgart 2020.

Við leitum að fagfólki með keppnisskap til að taka þátt í metnaðarfullu æfinga- og keppnisstarfi liðsins næstu tvö árin. Einnig leitum við að áhugasömum ungkokkum sem vilja kynnast starfi landsliðsins og aðstoða við undirbúning fyrir keppnina.

Klúbbur matreiðslumeistara hefur fengið þá Sigurjón Braga Geirsson og Jóhannes Stein Jóhannesson til að stýra Kokkalandsliðinu.

Hafir þú áhuga á að komast í liðið, eða gerast aðstoðarmaður, þá hvetjum við þig til að senda okkur umsókn á netfangið [email protected] fyrir 25. mars nk. Vinsamlega láttu ferilskrá fylgja með umsókninni ásamt mynd.

Fyllsta trúnaðar verður gætt við meðferð umsóknar.

Frekari upplýsingar veita Sigurjón (s. 696 4439) og Björn Bragi (s. 692 9903).

Kokkalandsliðið og stjórn Klúbbs matreiðslumeistara