Íslendingur vinnur kökukeppni í Danaveldi

Rafn Heiðar Ingólfsson með vinningskökuna

Tilefnið var hátíð sem nefnist “Open by Night“ í Hobro hinu danska, áðurnefnd keppni var haldin af Sparekassen sem innlegg í hátíðina.

Dómarar voru 4 með borgarstjórann H, C Marup i Marieagerfjord Kommune og einnig fyrrverandi borgarstjóra Jörgen Pontoppidan i Hobro Kommune sem og faglegir dómarar, Karen Vognsgard Theater restaurant og fyrrverandi bakarameistari í Kvickly Hobro Flemming Andersen.

Frá verðlaunaafhendingunni

Skilað var inn 41 köku í keppnina, þannig að það var ærin vinna hjá dómnefndinni að velja úr hvaða kaka skyldi vinna, dæmt skyldi bæði frá útliti og bragði, en að lokum var niðurstaða fengin og hljóðaði hún svo:

Sigurvegari var Rafn Heiðar Ingólfsson yfirmatreiðslumaður á Hótel Kronjylland i Randers www.clarionhotel.com

Í öðru sæti var Lena Andersen Hobro

Í þriðja sæti Sonja Jensen Hobro

Alltaf er það ánægjuleg tíðindi er landinn gerir góða hluti og verður það að teljast frábær árangur að vinna Danina í svona kökukeppni eins miklir sælkerar sem þeir eru.

Hótel Kronjylland

Við á Freisting.is óskum Rafni Heiðar til hamingju með árangurinn og vonum að hann eigi eftir að gera sig enn merkjanlegri í heimalandi kökunnar.

Myndir frá Facebook síðu Rafn Heiðars og ihobro.dk

/Sverrir