Michael Ferraro – Kopar – Veitingarýni – F&F

Michael Ferraro kemur frá Bandaríkjunum og er af ítölskum ættum, foreldrar hans koma frá Ítalíu en faðir hans fór til Bandaríkjana 14 ára gamall.

Hann kynntist alvöru heimagerðri ítalskri matargerð sem barn sem gæti hafið ýtt honum í að fara að læra matreiðslu. Hann útskrifaðist árið 2002 aðeins 20 ára frá CIA ( The Culinary Insttitute of America ) og eftir það fór hann að vinna á stöðum eins og New York-Jean Georges Vongerichten’s Mercer Kitchen, the Four Seasons Hotel, the Biltmore Room.

Ylfa Helgadóttir eigandi Kopar og Michael Ferraro

Núna starfar hann sem yfirmatreiðslumaður á Delicatessen og MacBar í Soho hverfinu í New York og þar er eldaður International comfort classics með ítölsku ívafi frá hans ítölsku rótum og franskri klassík og frá stöðunum sem hann hefur verið að vinna á.

Lynghæna & hangið svínalæri

Virkilega frískandi og byrjun á góðu kvöldi.

Sjóbleikja
Borin fram með sætri ponzu sósu, avócadó og ristuðum heslihnetum.

Bragð sem tóna mjög vel saman, Einstökin mjög fín með.

Humar risóttó
Með parmesan jus, blaðlauk og konfekt tómötum.

Humar, parmesan og blaðlaukur frábær balance á öllu bragði og fullkomin eldun á grjónunum.

Blóðbergs ilmaðir lambaskankar.
Með karmelluðu blómkáli, íslenskum gulrótum, stökku kjúklingaskinni og lamba jus með rósmarín.

Gaffallinn flaug í gegnum skankann eins og smjör, bragðið alveg frábært.

Appelsínukaka
Með Grand marnier sósu, skyrbúðingur og bláberjaís með möndlusnjó.

Frískur og mjög tært bragði, bláberja sorbetinn frábær.

Við þökkum kærlega vel fyrir okkur.

Myndir: Kristinn

/Björn