2Guys opnar formlega – Hjalti: „non stop biðröð út að dyrum“ – Myndir

Smass hamborgarastaðurinn 2Guys opnaði formlega á fimmtudaginn síðastliðinn.  2Guys er staðsettur við Laugaveg 105 í Reykjavík og eigendur eru þeir Hjalti Vignis og Róbert Aron.

„Frá opnun hafa viðtökurnar verið langt umfram væntingar. Allt prepp fyrir gærdaginn kláraðist eftir hádegisrushið þannig að það þurfti að taka auka prepp hið snarasta og hringja nokkur „mayday“ símtöl í birgjana og non stop biðröð út að dyrum.“

Sagði Hjalti Vignis í samtali við veitingageirinn.is aðspurður um hvernig gengið hefur frá því að staðurinn opnaði.

„Gærkvöldið var frábært, vinahópar kíktu í börger, bjór og pílu. Frábært að hafa strákana í Skor hérna með okkur því það er ekki bara maturinn sem trekkir, það er full blown bar og kjörið fyrir vina og vinkonuhópa að taka pílu með drykkjum og mat, svo ég tali nú ekki um saumaklúbbinn“

Smassborgarar af bestu gerð

2Guys hefur verið starfræktur sem “pop up” veitingastaður s.l. ár og var síðast í húsnæðinu við Klapparstíg 38 við hliðina á Kalda Bar og er núna kominn í framtíðarhúsnæði við Laugaveg 105.

2Guys býður upp á smass hamborgara konsept þar sem áhersla er lögð á djúsi borgara, stökkar franskar og nóg af osti.

„Vantaði algerlega bar og hamborgarastað á þessu svæði“

„Fólk er mjög ánægt með staðinn þar sem það vantaði algerlega bar og hamborgarastað á þessu svæði. Að fá hrós frá viðskiptavinum er það sem kemur manni framúr rúminu á morgnanna og ástæðan fyrir að maður heldur ástríðunni í þessu og gefur ekki þumlung eftir.“

Sagði Hjalti að lokum.

Óskum þeim félögum velgengni með 2Guys.

Fleiri 2Guys fréttir hér.