Hrekkjuvöku morgunverður á Hótel Sögu

Þann 1. nóvember á föstudagsmorgni var ég mættur í hrekkjuvöku morgunverð á Sögu, en hótelið bauð upp á þess konar morgunmat 31. október og 1 nóvember.

Ég arkaði beint inn í Skrúð, en viti menn það er búið að flytja morgunverðinn úr Skrúð yfir í Sunnusal og þegar maður kom þar inn féllust mér eiginlega hendur, það flott var umgjörðin yfir salnum og sjálfu hlaðborðinu.

Þetta er í fyrsta sinn sem boðið er upp á sérstakan mat í kringum hrekkjuvökuna á Íslandi, en lengi hefur tíðkast að börn klæði sig í grímubúninga og sælgæti hefur einnig verið stór þáttur.

Er þessi hugmynd kærkomin sem krydd í frekar hefðbundinn morgunmat hér á landi og vona ég að það verði framhald á þessu.

Meðal þess sem var sérstaklega á borðinu vegna hrekkjuvökunnar var:

Sólarkökur

Þessar kökur voru upprunalega bakaðar fyrir „All Soul Day“ sem var haldinn 2. nóvember til að heiðra hina látnu. Hver kaka táknaði eina sól. Þessi siður á ættir sínar að rekja til Bretlands og Írlands, kökurnar voru gefnar börnum og fátækum. Þetta var upphafið að „Trick and Treat“.

Banshee Mulled Te

Banshee þýðir yfirnáttúruleg kvenkyns vera sem ber skilaboð frá hinum látnu. Hér færir hún okkur kryddað te með kanil, engifer, kardimommum, appelsínum og hunangi.

Barbrackbrauð

Eitt aðalsmerki írskrar hrekkjuvöku er barbrack brauð sem er sætt brauð sem inniheldur vanalega heillamerki og er notað í sama tilgangi og heillakökur.

Colcannon

Gamall írskur hrekkjuvökuréttur sem er búinn til úr kartöflum, káli, smjöri og lauk til að fagna síðasta uppskerudeginum. Það hefur meira segið verið samið lag um þennann rétt.

Pumkin and Apple pie

Með múskat, kanil og crumbel með brúnum sykri.

Smakkaðist þetta alveg virkilega gott, þjónustan til fyrimyndar og var það sæll og ánægður viðskiptavinur sem hélt út i amstur dagsins.

/Sverrir