Forréttabarinn – Falinn fjársjóður

Hef margsinnis ekið fram hjá Forréttabarnum og lengi vel hef ég verið á leiðinni þangað inn og alltaf verið mjög forvitinn. Loksins lét ég verða að því að kíkja við og var það snemma á laugardagskvöldi. Ottó Magnússon matreiðslumaður og eigandi tók vel á móti freistingamönnum sem komu svangir og forvitnir inn. Virkilega gaman að sjá falleg listaverk frá óþekktum listamönnum og opna eldhúsið var alveg að gera sig, vel heppnað concept, staðurinn lýstur upp með fallegri dagsbirtu, allt virkilega snyrtilegt.

Ég og ljósmyndarinn vorum aðeins of rólegir á því og varla sestir niður við borðið þegar ljósmyndarinn lagði myndavélaólina óvart í kerti og kveikti í henni og vorum við hálf skömmustulegir að slökkva í eldinum en allt gekk vel, enginn skaði og „nær“ engar skemmdir. Við náðum að róa okkur niður með Mojito sem var drykkur kvöldsins og hlógum af klaufaskapnum í okkur.

Forréttabarinn er svo sannarlega staður sem hannaður er af ást og umhyggju og hægt er að finna fyrir hlýju og þægilegu andrúmslofti, þetta er staður sem maður fer á til að eiga gott og afslappað kvöld.

Ottó réð ferðinni og bauð upp á: