Vínkynning á vínum frá Orlando Wyndham – Jacob´s Creek

Haldin á Hilton Nordica Hótel Fimmtudaginn 14 Febrúar. Umboðsaðili á Ísland er Mekka Wines&Spirits.

Mættur var fjöldi áhugamanna sem fagmanna að hlýða á boðskap Liam Minett vörumerkjastjóra hjá O.W. og smakka á þessum guðveigum frá nýja heiminum, þau ylmuðu vel og smökkuðust líka vel og koma þessi vín til að ylja gestum veitingahúsa um hjartarætur á næstunni, er þau fara í sölu hvert af öðru.

Kom mér það skemmtilega á óvart hvað góð verðlagning er á þessum vínum og flaug sú hugsun í gegn að sum væru bara ódýr og er það frábært.  Það vín sem stóð uppúr sem það besta að mínum smekk var Johann Shiraz/Cabernet þetta er Rolls í vínum.

Síðan mun hún Dominique skrifa meira faglega um þessa kynningu sem tókst í alla staði vel.

Smellið hér til að skoða fjölmargar myndir frá vínkynningunni í dag.

O.W. er ástralski armurinn Pernod Ricard Group og þar eru að finna framleiðendur eins og Wyndham og Jacob’s Creek – og í Nýja Sjálandi Montana og Stonelaeigh. Þessi vín hafa verið mjög öflugir á öllum mörkuðum og vínin sem við smökkuðum í kvöld voru meðal annars nýjar tegundir sem mældust mjög vel fyrir:

Auglýsingapláss

* Three Vines línan er eins og nafnið bendir til úr þremum þrúgum – hvíta er blanda af Sauvignon Blanc, Sémillon og Viognier, í alla staði ferskt, létt, aðlaðandi og ávaxtaríkt. Rauðvínið þar er Cabernet Sauvignon, Shiraz og Tempranillo sem er frekar óvanalegt en líka aðgengileg, mjúkt, ilmríkt og þægilegt. 

* Hugo Cabernet Sauvignon var höfugt og kröftugt, mikið mentól og eucalýptus, en mjúkt og ávaxtaríkt, dálítill bolti sem reis nokkuð hátt

* Johann (þar báðu sumir við borðið mitt að fá að skipta út Jóhann-nafnið fyrir eigið nafn!!) var topppurinn enda orðið í allt öðru verðflokki, shiraz eins og hún getur verið best, dæmigerð áströlsk, lífandi, ávaxtarík, þétt en silkimjúk.

Það var mjög ánægjulegt að kynnast þeirri hlíð á Jacob’s Creek og kynningin var einstaklega vel heppnuð.
Dominique

Ljósmyndir tók Matthías Þórarinsson | Texti: Sverrir Halldórsson og Dominique.

Auglýsingapláss