Vinalegt kaffihús opnar í hjarta Reykjanesbæjar

Stefnumót er vinalegt kaffihús í hjarta Reykjanesbæjar sem opnar snemma á morgnana og þar fær fólk tækifæri til að hittast og ræða málefni dagsins yfir léttum morgunverði eða kaffibolla.

Eigendur eru Guðmunda Sigurðardóttir, Selma Kristín Ólafsdóttir, Gylfi Þór Ólafsson.  Staðurinn sem er við Hafnargötu 28 opnaði laugardagskvöldið 31. janúar og tekur 50-60 í sæti.

Við leggjum mikinn metnað í kaffið okkar en undafarið hefur maturinn hjá okkur verið að slá í gegn. Þá hefur sérstaða okkar aðeins færst yfir í hann. Þannig ég myndi segja að sérstaða okkar væri maturinn og kaffið. Um helgar er stefnan svo aðeins öðruvísi. Við reynum sem sagt að höfða til eldri kynslóðinnar, en það er 20 ára aldurstakmark.  Um helgar er kaffihúsastemning fram á nóttu, þar sem fólk kemur og fær sér vín, bjór og hina ýmsu kokteila sem við erum með í boði.

, sagði Selma Kristín Ólafsdóttir í samtali við veitingageirinn.is aðspurð um sérstöðu kaffihússins.

Vinsælustu kokteilarnir eru vatnajökull og bárðabunga, en þá kokteila hönnuðu eigendur ásamt fleirum öðrum kokteilum.

Klúbbsamloka Stefnumóta

Girnilegur matseðill og verðlagið er hóflegt, en í boði er klúbbsamloka, grillsamloka með kjúklingi, kjúklingasalat, súpa dagsins, Amerískar pönnukökur með sírópi, heit brownie, vöfflur með súkkulaði og rjóma svo fátt eitt sé nefnt.

Myndir: af facebook síðu Kaffi Stefnumót.

/Smári