Við endamörk 101

Nýr skemmtistaður, Rúbín, verður opnaður við Keiluhöllina í Öskjuhlíð um næstu mánaðamót.

„Rúbín er hrein viðbót við aðra afþreyingu sem við bjóðum upp á í húsinu. Hérna tökum við á móti mörgum hópum, fólki sem er að koma í keilu og aðra afþreyingu, og fer síðan niður í bæ að skemmta sér. En nú ætlum við að bjóða upp á heildarpakkann svo fólk þarf ekki að fara neitt heldur tekur skemmtunina hérna frá A til Ö,“ segir Rúnar Fjeldsted, eigandi staðarins og framkvæmdastjóri Keiluhallarinnar. „Staðurinn stílar inn á fótboltaáhorf þegar leikir eru, við verðum með böll á föstudags- og laugardagskvöldum og einnig erum við með ráðstefnusal á virkum dögum, svo verður hægt að leigja salinn fyrir einkasamkvæmi.“

Rúnar segist ekki óttast fjarlægðina frá miðbænum. „Ég held að staðsetning Rúbíns sé jákvæður punktur. Við erum ekki að stíla staðinn inn á unglinga heldur fyrir 25 ára og eldri. Nú er lögreglustjórinn að reyna að breyta afgreiðslutíma í miðbænum, loka öllu fyrr og færa staði með lengri afgreiðslutíma í útjaðra bæjarins og þá held ég að þessi staður sé á kærkomnum stað, við endamörk 101.“

Greint frá á Mbl.is

[email protected]

Auglýsingapláss