Veitingastöðum lokað í Leifsstöð

Opinn kynningarfundur vegna útboðs Isavia á rekstri tveggja veitingastaða í Leifsstöð verður haldinn í Hörpu í dag. Um er að ræða tvö ný veitingarými á annarri hæð í norðurbyggingu flugstöðvarinnar.

Kynnt er að þremur veitingastöðum í Leifsstöð verði lokað samfara þessum breytingum; Nord, Joe and the Juice og Loksins bar. Þá áformi Isavia að opna nýjan sölustað fyrir samlokur, kaffi og fleira slíkt, að því er fram kemur í Morgunblaðinu í dag.

Í auglýsingu á vef Isavia kemur m.a. fram:

„Veitingastaðirnir tveir verða með ólíku sniði og nálgun en reknir af sama rekstraraðila. Mikilvægt er að rekstraraðilar sem taka þátt í útboðinu hafi víðtæka reynslu af rekstri veitingahúsa og veiti hágæðaþjónustu í lifandi umhverfi.“

Viðtal – Horfðu á 13 ára gamalt vídeó

Fyrir áhugasama, þá er hægt að lesa og horfa á hér þegar veitingageirinn.is (freisting.is) kíkti í heimsókn við opnun NORD árið 2009.

Mynd: Isavia.is