Nýr veitingastaður Nord opnar – Myndir og vídeó

Feðgarnir Kristján Sæmundsson og Sæmundur Kristjánsson matreiðslumeistarar

Um er að ræða sjávarréttastað sem þeir félagar Sæmundur Kristjánsson og Sigurður Hall veita forstöðu og eins og áður sagði í brottfarasalnum í flugstöðinni.

Ég verð að viðurkenna að fyrst þegar ég heyrði af þessu kom upp í huga mínum hvernig á að selja sushi í flugstöð þar sem aðaltraffíkin er milli 06°° og 09°° annars vegar og 15°° -– 17°° hinsvegar, en eftir að hafa skoðað útfærslu þeirra og heyrt hugmyndina þá er ég kominn á aðra skoðun.

Auk sushi er boðið upp á síldarrétti, laxarétti, humarrétti í hinum ýmsu útgáfum og eins og Sæmi sagði þá bætast við fleiri réttir þegar við lærum inn á kúnnahópinn.

Einnig eru þeir með „take a way“ horn og þar eru ýmsir smáréttir svo sem roast beef, gulrótarbaka og lífrænt ræktað grænmeti í passlegum bökkum til að taka með sér í flugið.

SMS gengið frá Freistingu.is var á svæðinu og getið séð afraksturinn í bundnu máli, myndum og vídeó.

Freisting.is óskar þeim félögum góðs gengis á nýjum vígstöðvum.

Það voru fréttamennirnir Sverrir, Matthías og Smári sem unnu þessa frétt saman (SMS gengið).