Vanillusoðnar Plómur með Vanillurjómaís

Fyrir 4

Hráefni
9 plómur vel stífar
½ bolli hrásykur
Börkur af appelsínu bara ysta lagið
Safi úr einni appelsínu
1 peli vatn
1 Vanillustöng

Ísinn
1 heilt egg
1 eggjarauða
50 gr flórsykur
1 peli rjómi
Vanilludropar

Aðferð
Byrjið á að laga ísinn, þeytið rjómann og setjið í kæli. Þeytið eggin og sykurinn saman þar til hægt er að snúa skálinni við og ekkert fellur úr.

Blandið massanum og rjómanum saman varlega bætið vanilludropum út í eftir smekk og hafið í huga þegar ísinn frýs þá dofnar bragðið, setið í form og frystið, þetta er best að gera daginn áður.

Takið níundu plómuna og smakkið, til að vita hvort hún er sæt eða súr því sykurmagnið ræðst af því.

Setjið í pott vatnið vanillustöngina sem hefur verið klofin í tvennt, sykurinn, appelsínusafann og börkinn og látið suðuna koma upp, skolið vel plómurnar og skerið í tvennt og fjærlægið steininn og setjið út í vökvann og sjóðið þar til plómurnar eru mjúkar.

Berið fram strax með ísnum.

Höfundur: Sverrir Halldórsson matreiðslumeistari