Þrjátíu tonna hveititankur valt fyrir utan bakaríið Hjá Guðna bakara

Þrjátíu tonna hveititankur valt þegar verið var að tæma hann fyrir utan bakaríið Hjá Guðna bakara, áður Guðnabakarí, á Selfossi í dag. Engin slys urðu á fólki en töluvert hreinsunarstarf tók á móti viðbragðsaðilum á vettvangi.

„Það gaf sig tjakkur þegar verið var að koma hveitinu í bakaríið. Hann er semsagt reistur tjakkurinn og brotnar þannig að tankurinn fellur til hliðar af vörubílnum og lendir á jörðinni. Tankurinn er ónýtur en hveitið fór ekki úr honum.“

sagði Pétur Pétursson hjá Brunavörnum Árnessýslu í samtali við visir.is sem fjallar nánar um málið hér og birtir myndir frá vettvangi.

Eins og kunnugt er þá festi Jói Fel kaup á Guðnabakarí á Selfossi og Kökuvali á Hellu í fyrra.

Mynd: úr safni