Þetta er klárlega viðburður fyrir áhugafólk um kokteila

Kokteila barþjónninn Selma Slabiak frá New York

Kokteila barþjónninn Selma Slabiak frá New York verður með pop-up á Skál í kvöld og á morgun 23. nóvember frá klukkan 18:00 til 23:30.

Þar mun hún taka yfir drykkjaprógrammið á Skál! og hræra og hrista sína vinsælustu drykki í gegnum tíðina.

Selma er fædd og uppalin í Danmörku en flutti til New York árið 2007 til að láta ljós sitt skína í kokteila-heiminum. Síðan þá hefur hún verið yfir barþjónn á hinum margrómaða og Michelin verðlaunaða veitingastað ASKA en sá veitingastaður er í Brooklyn og er undir ný-norrænum áhrifum.

Selma hefur gefið út áhugaverða bók „Spirit of the North – cocktails and stories from Scandinavia“, en þar er tekið saman störf hennar og áhuga á hráefnum og jurtum frá köldum slóðum.

Ásamt því að taka til hendinni á Donna Cocktail Club og öðrum svölum stöðum í Brooklyn og Manhattan.

Hennar sérgrein er t.a.m. að búa til og hanna drykki sem eiga rætur að rekja til norrænna hráefna og aðferða. Hún sýnir náttúru og segir sögu norðurslóða í gegnum vel blandaða drykki.

Mynd: facebook / Skál