Þessir barir og barþjónar eru tilnefndir til BCA á Íslandi

Tilnefningar til Bartenders’ Choice Awards voru kynntar við hátíðlega athöfn á Kaldi Bar síðastliðið sunnudagskvöld. Á undanförnum árum hafa verðlaunin skipað sér sess sem einn mikilvægasti vettvangur bar- og veitingageirans á Íslandi, þar sem þeir sem skara fram úr eru heiðraðir og nýsköpun í drykkjamenningu landsins dregin fram.

Ísland tók nú þátt í áttunda sinn og var dómnefnd skipuð til að velja einstaklinga og staði í fjölmörgum flokkum. Þar á meðal eru besti barþjónn, upprennandi barþjónn, besti kokteilbarinn, besti nýi kokteilbarinn, framlag til þróunar bargeirans, besta andrúmsloftið, besti kokteilseðillinn, besti kokteillinn, besti veitingastaðurinn, val fólksins og fagsíður. Með þessum flokkum er leitast við að fanga breiddina í faginu og varpa ljósi á ólíkar hliðar þess sem gera bar- og veitingamenningu lifandi.

Til landsins komu Jakob, Joel og Andreas frá Bartenders’ Choice Awards. Ferð þeirra snerist annars vegar um að kynnast íslenskri kokteilmenningu og hins vegar um að tilnefna þá aðila og bari sem nú hafa tryggt sér sæti á úrslitalista ársins.

Úrslitin verða kynnt á Bartenders’ Choice Awards Nordics Gala, sem fer fram í 16. mars í Stokkhólmi í Svíþjóð. Þar kemur í ljós hverjir hljóta verðlaunin að þessu sinni og þar með hverjir setja tóninn fyrir næsta kafla í norrænni bar- og drykkjamenningu.

Hér að neðan eru allar tilnefningarnar á Íslandi.

Myndir: bartenderschoiceawards.com