Þessi veitingahús sækja um undanþágu

Samtök fyrirtækja á veitingamarkaði (Sveit) hafa sent á þingmenn og ráðherra beiðni um undanþágu frá reglugerð um takmörkun á samkomum vegna farsóttar.

Reglugerð þess efnis tekur gildi á morgun fimmtudaginn 23. desember og gildir í þrjár vikur.

Sjá einnig:

Covid 19: fjöldatakmarkanir í 20 manns

Keypt mikið magn aðfanga sem munu fara í súginn

Veitingastaðirnir hafa nú þegar mannað vaktir á Þorláksmessu og keypt mikið magn aðfanga sem munu fara í súginn verði nýjum samkomutakmörkunum fylgt. Veitingastaðirnir hafa tekið við bókunum þennan dag sem erfitt er að breyta með þetta skömmum fyrirvara og ljóst að mikill undirbúningur og verðmæti munu fara forgörðum með tilheyrandi tjóni fyrir veitingamenn og óþægindum fyrir gesti.

Ljóst er að ekki er unnt að bregðast við nýjum sóttvarnareglum með svo skömmum fyrirvara án mikils tjóns fyrir viðkomandi staði.

Þess er því óskað að veitt verði undanþága frá nýrri sóttvarnareglugerð fram til 24. desember 2021 til að lágmarka tjón veitingamanna sem hlýst af umræddri reglugerð.

Neðangreindir veitingastaðir óska eftir undanþágu frá nýjum sóttvarnareglum sem taka gildi 23. desember 2021.

Mynd: úr safni