Þessi skjöldur er bara fyrir þá sem fylgja ströngustu gæðakröfum – Vídeó

Skjöldur upprunamerkisins Íslenskt lambakjöt / Icelandic Lamb er tákn um gæðaframleiðslu sem ávallt má treysta að uppfylli ströngustu kröfur. Skjöldinn má aðeins hafa til sýnis á veitingastöðum þar sem íslenskt úrvalslamb er matreitt og framreitt.

Skjöldurinn skal ávallt hafður á áberandi stað svo að gestir viðkomandi veitingastaða taki vel eftir honum. Skjöldurinn er einungis til afnota hjá þeim samstarfsaðilum Íslensks lambakjöts sem uppfylla skilyrði samnings þess um samstarf. Frá og með maí 2021 er líka hægt að fá skjöldinn í íslenskri útgáfu.

Gerum Íslenska lambið sýnilegra

Markaðsstofan Icelandic Lamb vinnur með veitingastöðum að því að gera íslenskt lambakjöt sýnilegra á matseðlum, heimasíðum og samfélagsmiðlum veitingastaðanna.

Icelandic Lamb leggur samstarfsaðilum sínum til markaðsefni sem auðveldar þeim að segja söguna af okkar einstaka gæðahráefni – og með því að nota merki Icelandic Lamb sem gæðamerki sem vísar til uppruna og hreinleika vörunnar er gestum tryggð hámarksupplifun.

Icelandic Lamb auglýsir samstarfið við veitingahús til ferðamanna og íslenskra neytenda sem eykur virði samstarfsaðila sem nýta vörumerkið og markaðsefni þess.

Vídeó