Sýknaður af því að hafa birt áfengisauglýsingu

Fyrrverandi framkvæmdastjóri HOB-vína var í dag sýknaður í Héraðsdómi Reykjavíkur af ákæru um að hafa látið birta bjórauglýsingu í DV og fylgiblaði með Fréttablaðinu í desember árið 2004.

Bréf frá Lýðheilsustöð til lögreglunnar í Reykjavíkur varð til þess að ákært var í málinu. Í auglýsingunni var birt mynd af Faxe-bjór, sem bæði er seldur sem venjulegur bjór og léttbjór, en hvergi var tilgreint áfengisinnihald drykkjarins. Í texta auglýsingarinnar var hins vegar setningin „Léttur öllari“ og að mati dómsins var því ekki hægt að gera ráð fyrir öðru en að verið væri að auglýsa léttbjór.
 

Greint frá á Visir.is

Heiðar Birnir Kristjánsson
[email protected]