Global Chefs Challange

Leyfði mér þann munað að sofa frameftir og var það kærkomið, kom mér á lappir um ellefuleitið tók smá skver og fór niður í lobby og las blöðin.

Í hádegismat hafði ég ákveðið að fara á Roley´s ( www.roleysbistro.ie ) það höfðu svo margir mælt með staðnum að það þótti nauðsynlegt að kanna aðstæður.

Mætti og var vísað á borð á efri hæðinni þétt setinn staðurinn þjónninn kom með matseðilinn, bensín og brauð og þá var ég góður í nokkrar mínútur, svo kom að því að ég pantaði.

Í forrétt fékk ég mér Colin´s Rækju bisk og þvílíkt bragð alveg geggjað og ef eitthvað þá betra en Humarbisk.  Í aðalrétt Andalæraconfit á hvítlauks og rosmary kartöflumauki með rauðvínssafa, grænmeti dagsins var gulrótarmauk, brasserað hvítkál og steiktar kartöflur og smakkaðist þetta sérdeilisvel, skyldi nú afhverju allir írsku kokkarnir höfðu mælt með staðnum.

Í dessert fékk ég mér bread and butter búðing með vanilluís sem toppaði hádegisverðinn gersamlega og það var einn sæll og ánægður sem gekk út í hversdagsleikann í Ballsbridge hverfinu í Dublin.  Labbaði ég um í góða stund, en í þessu hverfi eru öll sendiráð erlendra ríkja og um þetta leiti dags var allt í lagi að vera utandyra.

Um kvöldið fór ég í bæinn og ætlaði að borða hjá Gary Rhodes en hann átti samkvæmt auglýsingu að vera með útibú í Dublin en þegar þangað var komið var lokað þannig að ég bað leigarann að finna góðan írskan stað og endaði á Chatham Brasserie  ( www.chathambrasserie.ie ) og virkaði hann vel á mig við fyrstu sýn.  Fékk mér sæti og skoðaði matseðillinn  með bensín á kantinum, svo pantaði ég steiktar fiskkökur með fersku salati og hvítlaukssósu og í aðalrétt Nauta og Guinness bjór kássu ( Stew ) með kartöflumauki og smjördeigsbakstri, reyndust þetta vera afbragðsréttir og svolítið skemmtilegt samspil bragða af nautinu í bland við bjórinn.

Beint upp á hótel í rúmið góða í síðasta sinn því árla morguns átti að yfirgefa Dublin og halda til London og ef ég hefði haft hin minnsta grun um hvað næsti sólarhringur myndi bjóða upp á hefði ég ekki sofið dúr um nóttina, en sem betur fer vissi ég það ekki.

Eins og þið hafið eflaust tekið eftir að þá hefur kartöflumauk komið við sögu í öllum aðalréttum sem ég hef borðað í Dublin.  Þetta er gert með vilja því ég hef elt uppi írska rétti bæði til að kynna fyrir ykkur og til að ballancera á móti keppnismatnum.  Írar eru mikil kartöfluþjóð og tók maður eftir því að það var nánast bara notað rótargrænmeti og allt lífrænt ræktað og alveg dúndurbragð af því.