Stóreldhúsið 2024

Undirbúningur undir stórsýninguna STÓRELDHÚSIÐ 2024 í LAUGARDALSHÖLL hefur gengið einstaklega vel.

Er nú svo komið að sýningin er fullbókuð og greinilegt að mikill þörf er fyrir birgja og starfsfólk stóreldhúsa að hittast.

Á stórum vörusýningum eru menn ekki bara að hitta gamla viðskipavini og fagna nýjum heldur eflist samkennd og baráttuhugur allra er vinna á sviðinu.

Sem fyrr er öllu starfsfólki stóreldhúsa boðið á sýninguna og þarf enginn að greiða aðgangseyri.

Á STÓRELDHÚSINU 2024 verða bæði fyrirtæki á stóreldhúsasviðinu sem hafa haldið tryggð við sýninguna allt frá byrjun 2005 og svo ný fyrirtæki í geiranum. Mikið að spennandi vörum og nýjungum.

Það stefnir sannarlega í fjölbreytta og glæsilega Stóreldhúsasýningu – 31. október og 1. nóvember – næstkomandi í HÖLLINNI.

Auglýsingapláss

Takið endilega dagana frá og verið velkomin!

Bestu kveðjur, Ólafur M. Jóhannesson, sýningarstjóri