Vertu memm

Uppskriftir

Stökkir kjúklingaborgarar

Birting:

þann

Stökkir kjúklingaborgarar með spicy salsa, rauðkálssalati og graslaukssósu

Stökkir kjúklingaborgarar með spicy salsa, rauðkálssalati og graslaukssósu

Geggjaðir stökkir kjúklingaborgarar með tex-mex fíling sem slá alltaf í gegn!  Mér þykir geggjað að nota sterka salsasósu til að gefa borgurunum svolítið kick og þá koma rauðkálssalatið og graslaukssósan fullkomin á móti hitanum og mynda gott jafnvægi.

Fyrir 2

Innihald:

Kjúklingalæri (Stór, skinn og beinlaus), 2 stk

Kartöflu hamborgarabrauð, 2 stk

Rauðkál, 80 g

Kóríander, 5 g

Amerískur ostur, 2 sneiðar

Ab mjólk, 50 ml / 50 g

Egg, 1 stk

Sriracha sósa, 10 g

Ritz kex, 40 g

Kornflex, 40 g

Tacokrydd (Santa Maria), 10 g

Hvítlauksduft, 2,5 g

Japanskt majó, 45 ml

Sýrður rjómi 18%, 45 ml

Hvítlauksduft, 2 ml

Graslaukur, 3 g

Sterk salsasósa, eftir smekk

Aðferð:

  1. Leggið kjúklingalærin á milli tveggja laga af bökunarpappír og berjið lærin með kjöthamri eða t.d. litlum potti til að fletja þau aðeins út.

  2. Aðskiljið eggjarauðuna frá eggjahvítunni (notið bara eggjahvítuna). Hrærið saman eggjahvítunni, AB mjólk og Sriracha sósunnni. Setjið kjúklinginn í jógúrtblönduna og látið marinerast í amk 30 mín eða yfir nótt

  3. Setjið Ritz kexið og Kornflexið í matvinnsluvél ásamt taco kryddi og hvítlauksdufti og látið vélina ganga í stuttum hrynum þar til áferðin er svipuð og á grófum brauðraspi. Setjið kryddhjúpinní djúpan disk.

  4. Hitið ofn í 180°C á blæstri.

  5. Látið mesta vökvann renna af kjúklingalærunum og þrýstið þeim svo vel í kryddhjúpinn á báðum hliðum.

  6. Setjið kjúklinginn á ofnplötu með bökunarpappír og bakið í miðjum ofni í um 30-35 eða þar til kjúklingurinn er fulleldaður og kryddhjúpurinn orðinn fallega gylltur. Setjið ostneiðar á kjúklinginn rétt áður en kjúklingurinn er tilbúinn svo hann bráðni.

  7. Sneiðið rauðkálið eins þunnt og mögulegt er, helst með mandolíni (farið varlega). Saxið kóríander. Setjið rauðkál og kóríander í skál ásamt smá óífuolíu og blandið vel saman.

  8. Sneiðið graslauk. Hrærið saman majónesi, sýrðum rjóma, hvítlauksdufti og graslauk. Smakkið til með salti.

  9. Smyrjið brauðin með smá smjöri og ristið á heitri pönnu þar til þau eru fallega gyllt.

  10. Smyrjið graslaukssósu í brauðin, raðið svo kjúkling, salsasósu og rauðkáli í brauðin.

Mynd og höfundur: Snorri Guðmundsson | Matur & Myndir

Uppskriftirnar á veitingageirinn.is eru frá fagmönnum og áhugafólki á matargerð sem skilar fjölbreyttar og bragðgóðar uppskriftir til þín. Ef þú lumar á uppskrift sem þú vilt birta á veitingageirinn.is sendu okkur þá uppskriftina ásamt nafni á [email protected]

Viðburðir

janúar, 2023

Auglýsingapláss

Merktu okkur: @veitingageirinn

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið