Skötumessa til heiðurs Þorláki Helga

Hún var lögleidd árið 1237 til að minnast þess að þann dag 1198 voru bein Þorláks helga tekin upp og lagðar í skríntil að nýtast til áheita.  Var sumarmessa þessi ein mesta hátíð ársins á Íslandi fyrir siðaskipti. Þorlákur helgi er eini íslenski dýrlingurinn í katólskri trú sem hlotið hefur dýrlinganafnbót.

Að þessu sinni var hún haldin Mánudaginn 21. júli í Oddfellowhúsinu í Reykjanesbæ og er þetta í fimmta sinn sem messan er haldin fyrstu 3 árin á Stokkseyri en síðustu 2 árin í Keflavík.

Það er skemmst frá því að segja að húsfyllir var á messunni og sérstakir gestir voru félagar úr Hrútavinir af Suðurlandi, með Bjarna Harðason alþingismann og hagyrðinginn frá Sjónarhóli á Stokkseyri Stefán Jónsson fremsta í flokki.

Er þetta skemmtilegt framtak hjá þessu fólki og vel þegar reynt er að halda á lofti gömlum hefðum.

Heimildir Víkurfréttir og Sunnlenska

/Sverrir