Sítrónukaka

Hráefni

• 100 gr smjör
• 250 gr sykur
• 3 stk egg
• 1 dl matarolía
• 270 gr hveiti
• 80 gr dr Oekter sítrónubúðingur
• 1 tsk lyftiduft
• 1 tsk matarsóti
• 140 gr sýrður rjómi 18%
• 1 tsk vanilludropar
• 2 tsk sítrónudropar
• rifinn sítrónubörkur af 1 sítrónu
• 80 ml sítrónusafi

Síróp

1 dl vatn

1 bolli sykur

safi úr 1 sítrónu ca 80 ml

1 tsk sítrónudropar

Glassúr

250 gr flórsykur

50 gr smjör

1 msk rjómi

1 tsk sítrónudropar

2 msk af sítrónusírópi

Aðferð

• Kakan: Smjöri og sykri hrært saman með k-járninu þar til það er orðið létt. Þá bæti ég eggjunum út í og hræri saman við. Svo er restinni af innihaldsefnunum bætt út í og hrært vel saman. Deigið er svo sett í smurt hringform, gott er að strá smá hveiti í formið, það auðveldar að ná kökunni úr forminu eftir bakstur. Bakið við 170 gráður í 50 mínútur á blæstri.
• Sírópið: setjið saman allt í pott og látið malla í ca 10 mínutur, svo er það sett til hliðar og látið kólna.
• Glassúrinn: Hitið saman í potti allt nema flórsykurinn, en bætið honum út í síðast þegar potturinn hefur verið tekinn af hitanum. Blandið vel saman.
• Eftir að kakan hefur kólnað setjið hana á disk og vökvið með volgu sírópinu. Svo er glassúrkreminu bætt á síðast.
• Njótið kökunnar með góðu kaffi eða einhverju öðru.

Verði ykkur að góðu

Eðvarð Eyberg Loftsson, matreiðslumeistari

Höfundur er Eðvarð Eyberg Loftsson, matreiðslumeistari.  Fylgist með á instagram hér.