Nýr vínflokkur í suðvestur Frakklandi

Með 2006-árgangnum kemur fram nýr vínflokkur í suðvestur Frakklandi, Vin de Pays de l’Atlantique.

Fyrst um sinn munu sjást einnar þrúgu vín sem og blöndur hinna hefðbundnum Bordeaux-þrúga, Cabernet Sauvignon, Merlot og fleiri, en mögulegt er að fleiri tegundir líti dagsins ljóst.

Eins og frökkum einum er lagið verða þó skilyrði fyrir því hvað bændum er leyfilegt að nota, og verður það ákveðið af s.k. département. Heimilt verður að nota Syrah í Dordogne og Lot et Garonne en ekki í Gironde, sem á móti fær að nota Chardonnay, Chenin Blanc og Cinsault.

Vin de Pays de l’Atlantique mun ná yfir départements í Charente, Charente Maritime, Dordogne, Gironde og ákveðin héruð í Lot et Garonne.

Vínframleiðendur á svæðinu telja þetta ekki vera neina töfralausn en veiti bændum þó aukinn sveigjanleika og fleiri valmöguleika við þróun nýrra vína.

Ný samtök vínbænda á svæðinu, Syndicat des Producteurs de Vins de Pays de l’Atlantique, er að semja drög að reglugerð varðandi notkun eikarspænis við víngerðina, sem og önnur atriði er víngerðina varða.

Heimilt verður að framleiða nokkuð mikið magn á svæðinu – hámarkið verður 85hl/ha af hreinni þrúgusaft fyrir rauðvín og rósavín og 90hl/ha fyrir hvíntvín. Ekki er talið að þetta muni valda neinni offramleiðslu, því sé vínið ekki nógu gott þá mun það einfaldlega ekki seljast!

Auglýsingapláss

Greint frá á Vinsidan.com

[email protected]