Nýr veitingastaður við Laugaveg 2 – Matseðillinn byggður á næringarríku plöntufæði

Laugavegur 2 er friðlýst hús, en það var friðað af menntamálaráðherra 8. desember 2003

„Við erum að opna grænkera veitingarstað/heilsu rými í miðbæ Reykjavíkur. Hér munum við beina athyglinni að því að skapa heilbrigt og lifandi umhverfi fyrir ÞIG til að hlaða huga, líkama og sál.“

skrifar hópur einstaklinga sem hyggst á að opna veitingastað við laugaveg 2 í Reykjavík, þar sem Sakebarinn var áður til húsa.

Á fyrstu hæðinni verður veitingastaðurinn þar sem komast fyrir rúmlega 50 manns við borð. Matseðillinn verður 100% byggður á næringarríku plöntufæði.

Hráefni staðarins verður eins íslenskt og árstíðarbundið og kostur gefst. Samhliða matseðlinum verður boðið uppá drykkjarseðil sem er hannaður af sterku teymi sem hefur lagt áhuga sinn á lækningarmátt jurta.

Í boði verða: Heilsuskot, ferskir djúsar og þeytingar, kaffi og Kombucha. Og síðast en ekki síst 100% hreint súkkulaði, en súkkulaði hefur verið notað sem lækningarjurt og í seremóníum sem hjartaauðgandi lyf svo öldum skiptir.

Á annarri hæð hússins verður hlýlegt seturými, þar sem eigendur ætla að skapa töfrandi andrúmsloft fyrir gesti að koma og slaka á í rólegu umhverfi.

Staðurinn á að heita Mama – Medicine food, en fyrir þá sem vilja styrkja þetta verkefni er bent á karolinafund.com hér.

Eigendur segja frá veitingastaðnum

Við erum hópur einstaklinga sem vill gefa af okkur með því að skapa rými þar sem við getum deilt gjöfum okkar og tekið á móti gjöfum annarra. Við höfum öll verið að kanna mismunandi leiðir til að viðhalda alhliða heilbrigðum lífsstíl. Jógar, kokkar, tónlistarfólk, ferðalangar, náttúru unnendur, mæður, feður og lífs könnuðir.

Myndir: karolinafund.com