Nýr veitingastaður opnar í maí í Hafnarfirði

Framkvæmdir eru hafnar enda er stefnt að því að taka á móti fyrstu gestunum í maí

Krydd er nýr veitingastaður sem staðsettur verður við Strandgötu 34 í Hafnargötu í húsi Hafnarborg, menningar- og listamiðstöð Hafnarfjarðar. Framkvæmdir eru í fullum gangi og er áætlað að opna í maí næstkomandi.

Eigendur eru Hilmar Þór Harðarson, Hulda Heiðrún Óladóttir, Signý Eiríksdóttir, Jón Tryggvason, Geirþrúður Guttormsdóttir og Hafsteinn Hafsteinsson.

Staðurinn mun taka 100 manns í sæti. Krydd verður með hádegis- og kvöldverðarseðil og eldhúsið verður opið frá 12:00 til 22:00 en barinn og staðurinn verða opnir lengur.

Yfirkokkur verður Hilmar Þór Harðarson matreiðslumaður

Yfirkokkur verður Hilmar Þór Harðarson matreiðslumaður. Hilmar er bæði sjókokkur og matreiðslumaður, en hann útskrifaðist sem sjókokkur árið 2002, en það var kokkastarfið sem heillaði hann mjög svo, að hann ákvað að demba sér í að læra fagið. Hilmar byrjaði að læra árið 2003 og lærði að megninu til á vox á hilton hótel og kláraði á síðan veitingastaðnum Á næstu grösum og útskrifaðist síðan árið 2008.

Hilmar hefur starfað á veitingastaðnum Saferlic í Nuuk í Grænlandi, Skinnarbu hótel í Telemark í Noregi, Thon hótel í Kristiandsund, Stötvig Hotell hótelinu sem staðsett er í Larkollen fyrir miðjum Osló firðinum og starfaði sem yfirmatreiðslumaður á öllum þessum stöðum. Hilmar kom til Íslands fyrir þremur árum síðan og hefur starfað sem framkvæmdastjóri á hótel Borealis í Grímsnesinu og er núna á lokasprettinum í viðskiptafræði á Bifröst.

„Í hádeginu verður lögð áhersla á góða og fljótt afgreidda rétti. Á kvöldin verða bæði léttir og þyngri réttir, einskonar blanda af gastropub og veitingahúsi…“

„Í hádeginu verður lögð áhersla á góða og fljótt afgreidda rétti. Á kvöldin verða bæði léttir og þyngri réttir, einskonar blanda af gastropub og veitingahúsi og allir ættu að geta fundið eitthvað við sitt hæfi. Staðurinn verður hlýlegur og yfir miðjan daginn verður boðið upp á smárétti, tertur og kaffi,“

sagði Hilmar í samtali við veitingageirinn.is aðspurður um sérstöðu veitingastaðarins Krydd;

„Við komum til með að leggja mikla áherslu á góða kokteila, og vera með gott úrval af bjór. Hugmyndin er að vera bæði góður kostur fyrir gesti að koma út að borða hjá okkur, og fyrir þá sem að vilja bara koma og fá sér rauðvín eða kokteil í góðum félagsskap og fá sér jafnvel minni rétti með því.“

Myndir: facebook / KRYDD Veitingahús