Nýr veitingastaður í Reykjavík | Býður upp á 100 laga lasagna

Gunnar Már Sigfússon er potturinn og pannan á bak við eldhúsið

Nýr veitingastaður opnaði nú á dögunum sem ber heitið Skuggi Italian bistro og er staðsettur í Skugga hótelinu á Hverfisgötu 103 í Reykjavík.

Skugga Hótel er þriggja stjörnu hótel með 100 nýstárlegum og smekklega innréttuðum herbergjum. Skuggi Hótel er eitt af átta hótelum sem rekin eru af Keahótelum.

Í eldhúsinu er það Gunnar Már Sigfússon sem ræður ríkjum þar, en hann er einkaþjálfari og höfundur LKL bókanna Lág kolvetna lífsstíllinn 1 og 2 og Kolvetnasnauðir hversdagsréttir.

Á matseðilinum sem samanstendur af hversdagslegum ítölskum mat með bistro ívafi er hægt að fá t.a.m. bakað súrdeigsflatbrauð með allskyns meðlæti, Ítalskt nachos, súrdeigspizzur og einkennisrétt staðarins 100 laga lasagna.  Skuggi er opinn frá klukkan 16:00 til 23:00 en lengur um helgar.

Á meðal rétta á matseðlinum er hægt að finna súrdegspizzur, 100 laga lasagna, kjötbollu hamborgara, Tígrisrækju linguini í hvítvíni svo fátt eitt sé nefnt

Í meðfylgjandi myndbandi má sjá stutt kynningarmyndband af Skugga hótelinu og veitingastaðinn: