Nýr veitingastaður á Laugarvatni – Sunneva og Sæþór: Við viljum að allir sem koma líði eins og þeir séu heima hjá sér

Veitingastaðurinn Vinastræti er staðsettur við Laugarvatn

Vinastræti er fjölskyldurekinn veitingastaður sem einblínir á staðbundið hráefni og er staðsettur við Laugarvatn.  Staðurinn opnaði í sumar á þjóðhátíðardegi Íslendinga 17. júní með pomp og prakt en þá hafði staðið yfir gagngerar endurbætur á húsnæðinu.

Eigendur eru Sunneva Thoroddsen Bjarnadóttir og Sæþór Dagur Ívarsson framreiðslumaður.

Vinastræti tekur 30 manns í sæti og opnunartími er 11:30 til 21:00.

Sunneva Thoroddsen Bjarnadóttir

„Við viljum að allir sem koma líði eins og þeir séu heima hjá sér, það er hlýtt og huggulegt. Við viljum hafa sem bestu gæði af hráefnum og ferskan mat.“

Sagði Sunneva og Sæþór í samtali við veitingageirinn.is aðspurð um sérstöðu veitingastaðarins og hvað er á boðstólnum, en þau hafa mikla ástríðu á mat og þjónustu.

Í hádeginu er boðið upp á gott úrval af samlokum með heimabökuðu súrdeigsbrauði, pizzum, súpum, salati og sætindi.  Á kvöldin breytist staðurinn meira í bistro stemningu þar sem boðið er upp á smárétti með hráefni úr héraðinu og einnig með pizzur, salöt og súpu.

„Reksturinn gengur mjög vel“

Sunneva og Sæþór hafa starfað í veitingabransanum til fjölda ára en þeir veitingastaður og hótel má nefna þá starfaði Sunneva hjá Sumac, Vínstùkunni og Hótel Keflavík og Sæþór hjá Hörpunni, Hótel Húsafell og Hótel Keflavík.  Sunneva er með Sommelier gráðu í WSET skólanum.

Sæþór Dagur Ívarsson

Sæþór er framreiðslumaður að mennt, en hann lærði fræðin sín á Hörpunni og útskrifaðist árið 2016.

„Reksturinn gengur mjög vel. Í sumar var þetta mjög blandað af ferðamönnum og Íslendingum en núna sjáum við meira af ferðamönnum en svo eru heimamenn duglegir að koma og styðja okkur líka.“

Einstök lamba pizza á matseðli

Lamba pizzan er signature réttur staðarins

Signature réttur staðarins er lamba pizzan sem er borin fram með pizzasósu, mozzarella, hægelduðu lambi úr héraði með súrsuðum eldpipar, lauk og klettasalati, en þeim hefur verið sagt að þessi samsetning hefur ekki sést hér á Íslandi.

Vinastræti býður einnig upp á tvö herbergi til leigu á Airbnb og Booking sem eru mjög hugguleg tveggja manna herbergi með sér baðherbergi, lítinn ísskáp og ketil og útsýni yfir  fjallið.

Heimasíða: vinastraeti.is

Myndir: Aðsendar

Smelltu hér til að skrá þig á ókeypis fréttabréf með fréttum, tilboðum, uppskriftum og meira.