Nýr staður Kapers á Hverfisgötu – Veitingarýni

Safnhúsið við Hverfisgötu
Mynd: Guðmundur D. Haraldsson

Staðurinn er í húsi sem kallað var um tíma Þjóðmenningarhúsið, en er nefnt Safnahúsið í dag. Margir staðir hafa verið í þessu húsi og er Kapers þeirra nýjastur. Þar í forystu er Ómar Stefánsson matreiðslumaður sem er reynslubolti í faginu, þema er danskt eldhús með nýmóðins tvist.

Við félagarnir SSS, ákváðum að hittast og prófa matagerð staðarins og kemur hér, hvað kom út úr þeirri heimsókn.

Smjörsteiktir sveppir a la créme á grilluðu brauði

Mjög bragðgott en fannst eins og kremið hafi gleymst.

Súpa dagsins
sem var Blómkáls með brauði og smjöri

Blómkálssúpa

Var frekar þykk og sölt, en brauðið var gott.

Fiskur dagsins
sem var kryddjurtabökuð langa með kremuðu bankabyggi og rótargrænmeti

Fiskurinn var þurr og ekki nýr, en meðlæti gott.

Kapers borgarinn, langtímaeldaður grísahnakki löðrandi í bbqsósu framborinn í heimabökuðu brauði, bacon, sultaður rauðlaukur, salati og stökkum kartöflubátum

Mjög góður alla staði, utan þess að kartöflurnar voru löðrandi í olíu sem merkir að hún var ekki nógu heit.

Herring KAPERS style, rúgbrauð epla-sinneps kremi, egg, rauðlaukur, capers og dill

Þessi réttur var sigurvegari dagsins og síldin algjört sælgæti.

Salurinn er mjög huggulegur og væri ég til í að koma þarna aftur. Þjónustan var fumlaus en ekki fagleg, við þökkuðum fyrir okkur og héldum út í lífið.