Nýr og öðruvísi Þorraseðill á veitingastaðnum Matur og Drykkur

Matur og Drykkur verður eins árs þann 21. janúar næstkomandi.  Í tilefni afmælisins ætlar veitingastaðurinn að vera með sérstaka kynningu á nýjum og öðruvísi 9 rétta Þorraseðli fimmtudaginn 21. janúar klukkan 18:00.  Mjög gott verð er á matseðlinum eða 6990 kr. með bjórpörun m.a. frá nýrri línu Ölgerðarinnar (Verð annars 9990 kr. án Bjórpörunnar)

Hugmyndin með matseðlinum er einföld, að gera klassíska Þorrarétti að skemmtilegum og bragðgóðum mat með frumleika og fyrsta flokks hráefni að vopni.

Að Þorramaturinn í raun ætti að ganga ofan í alla og ekkert hefur til að mynda verið súrsað á matseðlinum.

Matseðillinn er á þessa leið:

Harðfiskflögur með brenndu smjöri og söl

Síld, rauðrófur og þurrkuð eggjarauða

Taðreykt hangikjöt og súpujurtakex

Ósúrsaðir hrútspungar og piparrótarkrem

Lundabaggi og mysugljái með helling af jurtum

Blóðmör, blóðmarengs og sherry gljái

Heileldaður lambahaus

Íslenskar pönnukökur & meðlæti

Skyr með bláberjakrapi & mysu

Rúgbrauðssúpa með súrmjólkurís & bitru súkkulaðikrumbli

Þetta kvöld verður maturinn útskýrður vel og vandlega af matreiðslumönnum Matar og Drykkjar og eins verða drykkirnir kynntir sérstaklega.

Borðapantanir í 5718877 og [email protected]

Facebook viðburður.

Mynd: Smári