Noma snýr aftur til Kyoto í Japan

Besti veitingastaður í heimi Noma snýr aftur til Ace hótelsins í bænum Kyoto í Japan þar sem Noma mun bjóða upp á PopUp í tíu vikur, en viðburðinn hófst 8. október s.l. og stendur yfir til 18. desember.

Noma var með PopUp í bænum Kyoto í fyrra frá 15. mars til 20. maí 2023, en staðurinn flutti allt starfsfólkið sitt ásamt börnum, mökum og ástvinum og er engin undantekning á því þetta árið.

Matseðillinn verður árstíðarbundinn sem býður upp á allt aðra flóru á bragði og hráefni sem kokkarnir hjá Noma eru vanir. Þetta popUp mun einkennast af rauðum og gylltum litum, þar sem hráefnin sem tengjast haustinu í Japan, sjávarfang og fjölbreytt villibráð.

Kyoto matargerðin hefur heillað marga matgæðinga um heim allan, t.a.m. Kaiseki máltíðirnar sem eru margrétta sælkeramáltíðir, soðna Yudofu, Kyoto-grænmetið sem er mjög heilsusamlegt og bragðgott, Shojin Ryori grænmetisréttir sem eldaðir eru eftir búddískum hefðum, japanska súrmetið Tsukemono, en þetta eru bara nokkur dæmi um Kyoto-matargerðina.

Noma Kyoto verður opinn frá miðvikudegi til laugardags með tvennum borðtímum á hverjum degi – hádegis- og kvöldverðartíma.  Borga þarf fyrirfram fyrir allt borðið og kostar 125.000 fyrir per manneskju og innifalið í verði er vínpörun.

Uppselt er á viðburðinn en áhugasamir geta bókað sig á biðlista hér.

„Matseðillinn okkar mun endurspegla Kyoto, en við verðum þó ekki japanskur veitingastaður.“

Segir í René Redzepi eigandi Noma í tilkynningu.

Myndir: Noma / @mitsuru_wakabayashi