Myndaveisla: 4.500 manns heimsóttu hátíðina

Beint frá býli dagurinn, sem haldinn var nú fyrir stuttu, er fjölskylduviðburður og matarmarkaður í hverjum landshluta fyrir sig. Bændur í hverjum landshluta opnuðu býli sín fyrir gestum í tilefni af Beint frá býli deginum, sem er nú haldinn annað árið í röð.

Í hverju býli voru heimavinnsluaðilar og smáframleiðendur að kynna og selja vörur sínar.

Í hverjum landshluta voru eftirfarandi aðilar:

Vesturland: Grímsstaðir í Reykholtsdal
Vestfirðir: Sauðfjársetrið Sævangur á Ströndum
Norðurland vestra: Brúnastaðir í Fljótum, Skagafirði
Norðurland eystra: Svartárkot í Bárðardal
Austurland: Egilsstaðir í Fljótsdal við Óbyggðasetrið
Suðurland eystra: Háhóll geitabú á Hornafirði
Suðurland vestra: Hreppamjólk í Gunnbjarnarholti

Áætlað er um 4.500 manns sem mættu á viðburðina um land allt.

Meðfylgjandi myndir eru frá viðburðinum á Egilsstöðum í Fljótsdal, en skipuleggjendur áætla að hátt í 500 manns hafi lagt leið sína í Fljótsdalinn.

Myndir: facebook / Beint frá býli