McDonald’s hættir alfarið allri starfsemi í Rússlandi

Bandaríska skyndibitakeðjan McDonald’s hyggst nú selja alla veitingastaði sína í Rússlandi og hætta alfarið allri starfsemi þar í landi.

Fyrirtækið hafði áður tilkynnt að það myndi loka stöðunum, sem eru um 850 talsins, en nú stendur til að selja þá innlendum aðila. Sá mun ekki geta notað nafn eða merki fyrirtækisins að því er fram kemur á visir.is.

McDonald’s hefur rekið meira en 80 prósent staðanna í Rússlandi, sem hafa fært fyrirtækinu 9 prósent heildartekja sinna. Þá hefur hagnaður af rekstri staðanna numið 3 prósent af heildarhagnaði keðjunnar.

65 þúsund manns störfuðu hjá McDonald’s í Rússlandi fyrir innrásina.

McDonald’s hefur hingað til greitt starfsmönnum sínum í Úkraínu laun, þrátt fyrir að staðirnir þar séu líka lokaðir, segir að lokum í frétt á visir.is.

Mynd: úr safni