Lystsköpun í Hörpu – Framúrskarandi gestgjafi óskast

Harpa tónlistar- og ráðstefnuhús leitar að metnaðarfullum samstarfsaðila til að reka glæsilegan veitingastað á jarðhæð hússins á nýju ári.

Í boði er að taka við rekstri Hnoss, sem er núverandi veitingastaður, eða senda inn tilboð um að opna nýjan stað.

Harpa er bæði heimssvið og heimavöllur tónlistarinnar, alþjóðlegt ráðstefnuhús og einstakt listaverk sem laðar árlega til sín vel á aðra milljón innlendra og erlendra gesta. Viðburðir í Hörpu eru um 1.200 á ári. Á undanförnum misserum hefur færst mikið líf í næsta nágrenni hússins. Hótel, fjölmennir vinnustaðir, verslanir, veitingastaðir og afþreying á svæðinu í kringum Hörpu stækkar enn frekar markhóp veitingastaðarins.

Hér er einstakt tækifæri fyrir öflugt rekstrar- og veitingafólk sem vill slást í hóp framúrskarandi gestgjafa í Hörpu.

Frestur til að sækja um er til og með 22. október nk.

Fyrirspurnir sendist á gestgjafi@harpa.is. Nánari upplýsingar er að finna á harpa.is/lystskopun. Þar eru m.a. teikningar, lýsing á hæfniog gæðakröfum, auk upplýsinga um tengilið og hvað þarf að koma fram í tilboðinu.