Leó sópaði að sér verðlaunum | Keppir í heimsmeistaramóti barþjóna á næsta ári

Leó Ólafsson

Eins og fram hefur komið þá voru þau Leó Ólafsson framreiðslunemi og Elna María Tómasdóttir framreiðslumaður að taka þátt í barþjónanámskeiði og keppnum út í Eistlandi, Finnlandi og Lettlandi á vegum alþjóðlega barþjónaklúbbsins International bartender association (IBA).

Með í för voru meðlimir úr Barþjónaklúbbi Íslands en félagið er aðili að IBA.

Á meðal keppna var „Monin keppni sem haldin var í borginni Tallinn í Estoníu og kepptu rúmlega 20 keppendur og sigraði Leó keppnina með glæsibrag, að auki var Leó valinn efnilegasti nemandinn og barþjóninn.

Í verðlaun voru kristal bikarar, þriggja daga masterclass námskeið í Búdapest höfuðborg Ungverjalands og eins mun Leó keppa fyrir Íslands hönd í „Mattoni non-alcahol championship“ í Prag í Tékklandi á næsta ári.

Leó var ekki hættur hér, heldur voru nemendur skipaðir í fjögur lið, og sigraði hans lið.

Glæsilegur árangur og hefur Ísland eignast einn efnilegasta barþjón í heimi.

ég er búinn að læra ótrúlega margt,

sagði Leó hress í samtali við veitingageirinn.is, aðspurður um hvort hann hafi lært mikið á námskeiðinu, en nánari umfjöllun um ferðalagið ásamt myndum verður birt síðar.

Íslenski hópurinn er nú á leiðinni heim til Íslands eftir langt ferðalag, en námskeiðin og keppnirnar hafa staðið yfir frá 6. til 18. september 2015.

Meðfylgjandi vídeó sýnir hvernig fyrirkomulagið er á þessum keppnum og námskeiðum:

Leó heldur úti skemmtilegri facebook síðu sem heitir Leó Barþjónn aka Icebreaker og hvetjum við alla að smella einu læk á hana.

Mynd: af Instagram síðu rcw.is.