Jóhann Már Helgason nýr forstöðumaður viðskiptastýringar Wolt á Íslandi

Jóhann Már Helgason nýr forstöðumaður viðskiptastýringar Wolt á Íslandi

Heimsendingarþjónustan Wolt styrkir enn frekar ráðdeild á Íslandi með Jóhanni Má Helgasyni, sem stýrir viðskiptastarfsemi félagsins á íslenskum markaði.

Fyrsti dagur Jóhanns Más hjá Wolt var þann 2. september síðastliðinn, en áður starfaði hann hjá Lava Cheese sem fjármálastjóri og var einnig hluthafi í fyrirtækinu. Jóhann er með MBA gráðu frá Háskólanum í Reykjavík og BS gráðu í stjórnmálafræði frá Háskóla Íslands.

„Við erum mjög spennt að fá Jóhann Má í teymið okkar. Við leituðum í sex mánuði að rétta umsækjandanum sem varð að hafa reynslu, drifkraft, staðbundna þekkingu og tengslanet til að taka reksturinn á næsta stig. Jóhann var traustasti kandídatinn, en líka afar spennandi með bakgrunn úr atvinnuíþróttum og leiðandi sprotafyrirtækjum.

Frá því að við hófum starfsemi á Íslandi á síðasta ári höfum við verið í ótrúlegum vexti og með Jóhann innanhúss gerum við ráð fyrir að kanna enn fleiri viðskiptamöguleika á komandi mánuðum“

segir Elisabeth Stenersen, framkvæmdastjóri Wolt á Íslandi og í Noregi.

Jóhann Már er þekktur sem fyrrverandi framkvæmdastjóri Knattspyrnufélagsins Vals, þáttastjórnandi hlaðvarpsins Dr. Football og oft nýttur sem sérfræðingur í alþjóðlegum viðskiptum á sviði knattspyrnu í íslenskum fjölmiðlum.

Hann býr í Garðabæ ásamt unnustu sinni og þremur börnum.

„Að ganga til liðs við Wolt Iceland á þessum tíma er tækifæri sem var erfitt að láta framhjá sér fara. Ég hef fylgst með úr fjarska, en Wolt hefur umbylt íslenskum veitingarekstri og gert heimsendingar að hluta af daglegu lífi.

Útrás Wolt í verslunarumhverfið er virkilega spennandi þar sem við erum núna í samstarfi við Heimkaup, Smáríkið og Krambúðina sem gerir Wolt sannarlega að alhliða appi fyrir heimsendingar.

Hver myndi ekki vilja vera hluti af svona kraftmiklu og spennandi fyrirtæki? Ég hlakka mikið til þess að ná frekari árangri með Wolt,“

segir Jóhann Már Helgason, forstöðumaður viðskiptasviðs Wolt á Íslandi.

Sem forstöðumaður viðskiptastýringar mun Jóhann leiða sölu- og lykilviðskiptateymi sem vinnur náið með veitingastöðum og verslunum um allt land. Wolt hóf göngu sína í Reykjavík í byrjun maí 2023 og hefur síðan bætt við sig Hafnarfirði, Reykjanesbæ, Selfossi og Akureyri. Félagið útilokar ekki frekari stækkun.

Á heimsvísu er Wolt til staðar í 27 löndum í Evrópu og Asíu. Síðan árið 2022 hefur fyrirtækið verið hluti af DoorDash í Kaliforníu.

„Næstum því allir veitingastaðir á Akureyri hafa skráð sig. Við höldum áfram að vera undrandi yfir stórkostlegum viðtökum sem við höfum fengið bæði frá viðskiptavinum og stöðum á Íslandi. Markaðurinn hefur vaxið mun hraðar en við bjuggumst við og með Akureyri geta um 70 prósent landsmanna nú fengið Wolt heimsendingar á innan við 40 mínútum.

Þó að heimsendingarfyrirtæki eins og okkar hafi áður verið takmörkuð við stærri borgir, höfum við séð bæði í Noregi og á Íslandi að það er falin eftirspurn eftir þessari þjónustu í smærri bæjarfélögum. Við erum tilbúin í enn meira á íslenskum markaði,“

segir Jóhann Már.

Á heimsvísu er Wolt til staðar í 27 löndum í Evrópu og Asíu. Síðan árið 2022 hefur fyrirtækið verið hluti af DoorDash í Kaliforníu.

„Ísland hefur vaxið hraðast af þeim nýju mörkuðum sem við höfum komið inn á síðustu tvö ár.

Þökk sé þeim frábæru viðtökum sem við höfum fengið á Íslandi höfum við fyrr getað bætt nýjum eiginleikum við appið en við bjuggumst við, þar á meðal áskriftarþjónustunni okkar Wolt+, viðskiptatilboðinu Wolt for Work, sendingarþjónustunni Wolt Drive ásamt nýjum smásölum og veitingastöðum.

Þetta hefur allt orðið vinsælt frá fyrsta degi, sem er ótrúlegt,“

segir Elisabeth Stenersen.

Myndir: aðsendar