Íslenskur matreiðslumaður í Litháen fær græna Michelin stjörnu

Veitingahjónin Arnór Ingi Bjarkason og Lina Marija Balčiūnaitė

Nú í vikunni fékk veitingastaðurinn Red Brick grænu Michelin stjörnuna sem er viðurkenning fyrir framúrskarandi starf í sjálfbærni.

„Ætli það sé ekki hversu nálægt allt er, grænmetið ræktað innan við 500 metra frá veitingastaðnum, black angus naut ræktað á landinu okkar og slátrað sirka 300 metra frá í okkar eigin sláturhúsi.

Nýtum líka mikið af villtu hráefni og reynum auðvitað okkar besta að nýta allt hráefnið.“

Segir Arnór Ingi Bjarkason eigandi og yfirmatreiðslumaður Red Brick í samtali við veitingageirinn.is.  Staðurinn er staðsettur sirka klukkustundar akstur frá borginni Vilnius í Litháen.  Red Brick er „farm to table“ veitingastaður að mestu leyti og er í gömlu „farm house“ sem er búið að gera upp.

Justinas Jankevicius kynnir á Michelin verðlaunahátíðinni, Arnór Ingi Bjarkason og Niels Peter Pretzmann, eigandi Farmers Circle og meðeigandi Red Brick

Veitingastaðurinn Red Brick

Arnór Ingi lærði fræðin sín hjá Hrefnu Sætran á Fiskmarkaðnum, starfaði á Grillmarkaðnum og einnig á veitingastaðnum Grön í Helsinki og Studio í Köben.

Red Brick opnaði 24. ágúst 2023.

„Var að leita mér að húsnæði til að opna minn eigin veitingastað og datt inná danskan mann, [Innskot fréttamanns: Niels Peter Pretzmann, meðeigandi Red brick], sem á býlið/bóndabæinn „Farmers Circle“ og hann bauð mér þann stað til að gera það sem ég vildi.“

Sagði Arnór sem sér um daglegan rekstur staðarins ásamt eiginkonu sinni og veitingastjóra Red Brick, Lina Marija Balčiūnaitė.

Red Brick tekur 38 manns í sæti og býður upp á 15-18 rétta smakkseðil á kvöldin, sem er unnin mestmegnis úr hráefni af bóndabænum bæði grænmeti, kjöt og egg.

Hjá veitingastaðnum er gömul uppgerð hlaða sem notuð er í veislur og tekur 150 manns í sæti.

„Erum 4 í eldhúsinu og 2 í salnum, erum samt í því að reyna bæta við starfsfólki. Vinnum bara eina vakt, opið miðvikudag – laugardag.

Sagði  Arnór að lokum.

Matseðill

Farmers Circle
Spring tartlet
Lamb & Rhubarb

Mackerel, Rhubarb & Radish
Chawanmushi, Peas & Ramsons
Lamb, Cabbage & Black currant
Asparagus, Onion & Coffee

Bread

 Monkfish, Walnut, Miso & Chicken
Lamb & Cabbage

Elderflower, Beetroot & Rhubarb

Mushroom & Spruce
Kleina
Sorrel

Price €87

Menu items are subject to change according to seasonality and availability.

Hjá Red Brick er lítið gistiheimili sem heitir „Sleepy Horse“ og er gamalt hesthús sem var breytt í 15 herbergja gistiheimili og geta gist allt að 4 manns í hvert herbergi og kostar nóttin 95 evrur.

Heimasíða Red Brick: www.red-brick.lt