Íslenskir keppendur undirbúa sig fyrir Euroskills í Danmörku

Undirbúningur íslenska hópsins fyrir Evrópumót iðn- og verkgreina, Euroskills, stendur nú sem hæst. Þrettán einstaklingar keppa fyrir Íslands hönd í Herning í Danmörku dagana 9. til 13. september. Með þeim í för verða 14 sérfræðingar sem styðja keppendur í undirbúningi og keppni, en gegna einnig hlutverki dómara á mótinu.

Keppendur unnu sér þátttökurétt með frábærum árangri í innlendum keppnum, meðal annars á Íslandsmóti iðn- og verkgreina. Euroskills er stærsta mót sinnar tegundar í Evrópu og laðar að sér um 600 keppendur sem reyna með sér í 38 greinum.

Íslenska liðið á fulltrúa í fjölbreyttum greinum, þar á meðal í matreiðslu, framreiðslu, málmsuðu, pípulögnum, rafeindavirkjun, rafvirkjun, iðnaðarstýringum, trésmíði, grafískri miðlun, bakstri, hársnyrtiiðn, málun og bifvélavirkjun.

Á dögunum hittist hópurinn á Stórhöfða þar sem lögð var áhersla á andlegan undirbúning, auk þess sem farið var yfir ýmis praktísk atriði er tengjast keppninni og ferðalaginu sjálfu. Andlegur styrkur er mikilvægur þáttur í undirbúningi fyrir keppni af þessu tagi.

Keppendur fyrir Íslands hönd á Euroskills verða:

Hægt er að lesa nánar um keppnina á heimasíðu matvis.is.

Mynd: matvis.is