Hvað mun Heilbrigðiseftirlitið segja við þessu?

Viktor Örn Andrésson verður gestakokkur á Apótekinu

Það muna margir hverjir eftir gestakokkinum á Apótekinu, Julian Medina, en hann vakti mikla athygli á matarhátíðinni Food & Fun á þessu ári er honum var meinað að bera fram engissprettur af heilbrigðiseftirlitinu.

Dagana 31. maí til 4. júní verður bronsverðlaunahafi Bocuse d´or 2017, Viktor Örn Andrésson, gestakokkur á Apótekinu. Til mikils má vænta af Viktori en í boði verður 7 rétta smakkseðill sem á eftir að kitla bragðlauka matargesta. Viktor sem hefur verið í landsliði matreiðslumanna frá árinu 2009 var kjörinn Matreiðslumaður ársins árið 2013 og matreiðslumaður Norðurlandanna árið 2014.

Viktor Örn ásamt kokkunum á Apótekinu

Viktor ætlar að halda sig við öllu hefðbundnara hráefni en kollegi hans Julian Medina og má til dæmis finna á seðlinum léttgrafið og hægeldað bleikjuterrine, kolagrillaða íslenska nautalund og jarðaber með reyktum rjómaosti.

Matseðillinn ef eftirfarandi:

Íslenskur hörpudiskur
Blómkál, yuzu vinaigrette

Grillaður humar
Estragon alioli

Létt grafið og hægeldað bleikju terrine
Bleikjutartar, dill-aioli, brenndur blaðlaukur, bleikju kavíar

Langtíma elduð og stökksteikt svínasíða
Gerjaður hvítlaukur, ostrusveppir, súrsæt sósa

Túnfiskur og foie gras
Shitake sveppir og sesam sósa

Kolagrilluð íslensk nautalund
Jarðskokkar, nautagljái með kantarellum og trufflum

Jarðaber og reyktur rjómaostur
Sítrónukrem, estragon olía og karamelluð qionoafræ

Verð er 9.900 kr.

Nánari upplýsingar á heimasíðu Apóteksins hér.

Myndir: apotekrestaurant.is